Сувар

Палӑртса хунӑ графикран юлса пынă тӗслӗхсем çук

Çӗнӗ çулччен республикăри ял специалисчӗсене тара парăнакан 122 çурта туса пӗтермелле

Тутарстан "Ял территорийӗсене комплекслӑн аталантарасси" программӑпа кӑҫал федераллă бюджетран 954 млн яхӑн тенкӗ илессине пӗлтерет ТР Ял хуçалăх министерствин пресс-служби.

"Патшалăх программипе парăнакан укçа-тенке явӑҫтарса республикăри тӑхӑр мероприятие пурнӑҫлама палӑртнӑ. Инженери инфраструктурин 18 обьектӗнчен 12-шӗнче ӗçсем илсе пырăнаççӗ, улттăшӗнче хатӗрленӳ ӗçӗсене тытăннă», – тесе пӗлтернӗ министерстворан.  

Пурӑнмалли ҫурт-йӗр условийӗсене лайӑхлатма 137 ҫурт тума тытӑннӑ. Унсӑр пуҫне декабрӗн 1-мӗшӗччен тара парăнакан 122 пурнан ҫурт туса пӗтерӗç.

ТР ял хуҫалӑх тата апат-ҫимӗҫ министрӗн пӗрремӗш çумӗ Наиль Залаков каланӑ тӑрӑх, хальхи вӑхӑтра программа план тăрăх пурнăçланать. 

"Палӑртса хунӑ графикран юлса пынă тӗслӗхсем çук. Тӗллевлӗ кӑтартусене пурне те туллин пурнӑҫа кӗртме палӑртнӑ", – тенӗ вăл.

"Ял территорийӗсене комплекслӑн аталантарни" программӑпа кӑҫал Раҫҫей регионӗсенче социаллӑ тата инженери инфраструктурин объекчӗсене тӑвас, тата юсас енӗпе, транспорт хатӗрӗсемпе оборудовани туянмалли 444 мероприятие шута илекен 132 проекта хута яма палӑртнӑ.

Реклама

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: