Кӗнчеле çеç чăттăр е хальхилле Çăварни

Çарăмсан районӗнчи Акрелӗнче Аслă типпе кӗрес умӗн Çăварни ирттересси йăлара. Пӗлтӗр акрелсем еплерех савăннине Хусантан телевидени те килсе ӳкерсе кайнăччӗ. Кăçал та кунти чăвашсем çав хăватпах хӗле ăсатаççӗ: тăвайккинчен кӗнчелепе ярăнаççӗ, чукмар ывăтаççӗ, тăлăп тăхăнса кӗрешеççӗ тата, паллах, икерчӗ пӗçерсе çиеççӗ. Купăсçи те юнашар, лашине те кӳлсе тăратнă, улăм катемпи те çунать. Халăх пӗлтӗрхи пекех нумай мар пулин те - савăнăçӗ тулли кӗсье!
Ноу-хау та пурнăçа кӗрсе пырать Акрелӗнче - кăмăл тăвакансене урамсем тăрăх «бурансемпе» лартса ярăнтараççӗ.