Каникул вăхăтӗнче Ванюк Аксупа Нурлата çитрӗ
Раштав уявӗ умӗн Чăваш Республикин Çеçпӗл Мишши ячӗллӗ Çамрăксен театрӗ ТР Чăваш наципе культура автономийӗн парнине Аксу тата Нурлат районӗнчи пӗчӗк куракансем патне çитерчӗ. Январӗн 6-мӗшӗнче «Ванюк ӗçе хăнăхать» спектакле Аксури Культура керменӗнче тата Нурлатри Туслăх Çуртӗнче кăтартрӗç. Аксура Владислав Николаев пьеси тăрăх лартнă мыскарана курма ачасем ялсенчен кăна килменччӗ....
Раштав уявӗ умӗн Чăваш Республикин Çеçпӗл Мишши ячӗллӗ Çамрăксен театрӗ ТР Чăваш наципе культура автономийӗн парнине Аксу тата Нурлат районӗнчи пӗчӗк куракансем патне çитерчӗ. Январӗн 6-мӗшӗнче «Ванюк ӗçе хăнăхать» спектакле Аксури Культура керменӗнче тата Нурлатри Туслăх Çуртӗнче кăтартрӗç. Аксура Владислав Николаев пьеси тăрăх лартнă мыскарана курма ачасем ялсенчен кăна килменччӗ. Райцентртисем вара чăвашла ăнлансах камаççӗ. Çавăнпа та администраци ыйтнипе, ыттисем те ăнланччăр тесе, актерсен спектакле вырăсла выляма тиврӗ. Кун пек кайсан малашне сурдоперевод пирки шутлас пулать тесе пӗтӗмлетӳ турӗç ЧНКА Ӗçтăвкомӗнче районсенче концертсемпе спектакльсем ирттерме явапланă çӗнӗ çынсем. Апла пулин те çак кӗтменлӗх постановкăн пӗлтерӗшӗпе хăватне пӗрре те чакармарӗ. Чипсыпе кола сиенлӗхӗ, хамăр пахчара ӳснӗ çимӗçсен усăлăхӗ, сывлăха упрасси, çӗр ӗçне вӗренесси - пӗтӗмӗшле илсен - тавракурăма сарасси çинчен çак хула ачи ялти кукамăш патне канма кайни çинчен каласа паракан спектакль.
Вăл пуçланиччен фойере «Сувар» хаçат ӗçченӗсем чăрăш умӗнче сăвă калакан ачасене парне пачӗç - чăвашла календарь.
Январӗн 8-мӗшӗнче «Ванюк ӗçе хăнăхать» спектаклӗн чăвашла версине 10.00 сехетре Кивӗ Çӗпрелӗнчи Культура керменӗнче, 14.00 сехетре Пăва районӗнчи Кипеккассинчи çӗнӗ клубра курма пулӗ. Ачасем кăна мар, аслисем те кăсăкланса пăхса лараççӗ ăна. Ӗненместӗр пулсан, ачăрсене çавăтăр та килсе курăр.
