ИКЕРЧӖ

Çӗпрене кефир çине ярса ирӗлтермелле, тăвар, сахăр песокӗ хушмалла. Уйрăммăн лăкаса кăпăклантарнă çăмарта, унтан çăнăх хушса лайăх хутăштармалла та ăшă çӗре хăпарма лартмалла. Чуста хăпарса çитсен кашăкпа ăсса иле-иле хурса тип çу çинче ăшаламалла.
1 л кефир, 2 çăмарта, 1 пӗчӗк пакет типӗ çӗпре, 3 кашăк сахăр песокӗ, 3-4 стакан çăнăх, çур чей кашăкӗ ваниль сахăрӗ, çур чей кашăкӗ тăвар, ăшалама тип çу кирлӗ.
* * *
Çăмарта çине сахăр песокӗ тата тăвар хушса лайăх лăкамалла. 2 стакан сӗт, тип çу, çăнăх хушса лайăх пăтраштармалла. Унтан юлнă сӗте хушса чустана шӗветмелле. 20-30 минут ларнă хыççăн çуланă çатма çинче çӳхе икерчӗсем пӗçермелле.
2 стакан çăнăх, 4-5 стакан сӗт, 2 çăмарта, 1 кашăк сахăр песокӗ, 2 кашăк тип çу, кăшт тăвар кирлӗ.