Чăваш халăх поэчӗ ячӗпе ирттернӗ уявра халăх икӗ хутчен ура çине тăчӗ

Шупашкарсем кăна мар, районсенчен килнӗ хăнасем те пурччӗ чăваш халăх поэт уявне. К.В.Иванов ячӗпе хисепленекен драмтеатр çывăхӗнчи парковкăра сарă «газельсем» нумайччӗ. Чăнласа калама пулать - Хусанкай уявӗ кăмăла кайрӗ. Уйрăмах унта ачасем хутшăнни. «Сăпка юррине» те коляскăпа нумай пулмасть çеç уйрăлнă хӗрача юрларӗ.
Пухăннă халăх пӗрремӗш хуи СССР халăх артистки Вера Кузьмина мăшăрӗн Петр Хусанкайăн (ăна халалласа çырнă) юлашки сăввине вуласа панă вăхăтра ура çине тăчӗ. Иккӗмӗш хутӗнче Морис Яклашкин ертсе пыракан оркестр кӗввире Чăваш патшалăх капелли «Алран кайми аки-сухи» ятлă чăваш халăх гимнне шăрантарнă чухне.