Эпир пӗрле, эпир пултаратпăр!

Теччӗ районӗнчи Çармăс ялӗн шкулӗнче ӗнер Атăл ку енчи районсенчи чăваш ачисен хушшинче иртнӗ «Аталан» вӗрентӳ форумне ытларах Теччӗ тата Апас районӗсен ачисем хутшăнчӗç пулин те, вăл питӗ тухăçлă иртрӗ. Хусанти çамрăк кураторсем пулăшнипе ачасем тӗрлӗрен пултарулăх секцийӗсенче ăс-хакăлне туптаса пӗлӗвне пуянлатрӗç. Ушкăнсем секцисенче ӗçленӗ вăхăтра педагогсем «çавра сӗтел» ирттерчӗç. Паян «Аталан» форума Нурлат районӗнчи Якаел шкулӗ йышăнать. Вăл Кама леш енчи районсенчи чăваш ачисен хушшинче иртет.