Каллех янрать салтак юрри

Ку çул Татарстанран çар службине тăватă пине яхăн каччă каять. Вӗсене 19 пин çынран суйласа илӗç . Яланхи пекех, çурхи призыв апрелӗн 1-мӗшӗнчен пуçласа июлӗн 15-мӗшӗччен пырӗ. Республикăн çар комиссарӗ Сергей Погодин сăмахӗсем тăрăх,пирӗн каччăсем тӗпрен илсен, тип çӗр çарӗсен шутне ӳстерӗç.

Пурӗ вара çурхи призывран 41,7 проценчӗ тип çӗр çарӗсене, 12,9 проценчӗ сывлăшпа космос çарӗсене, 11 проценчӗ Наци гвардине, 8 тата 7 проценчӗ тинӗс çар флочӗпе ракеталлă çарӗсене кайӗç.

Республикăн çар комиссарӗ пӗлтернӗ тăрăх, призывниксенчен чылайăшӗ аслă тата вăтам пелӳллӗ. Пӗрремӗш ушкăна çар службине апрелӗн 17-мӗшӗнче ăсатӗç.