Кăштах кулăш
Туй хыççăн тепӗр кунне çамрăк упăшка мăшăрне хăй икӗ ачашăн алимент тӳлесе тăни пирки пӗлтерет. - Уншăн кулянмалли çук, чунăм, мана хама анне патӗнче ялта пурăнакан ачасемшӗн малтанхи икӗ упăшка алиментсем тӳлесе тăраççӗ, - лăплантарать çамрăк арăм. * * * - Ырă тунине мӗнле ăнланмалла? - Ырă туни япăх çынна...
Туй хыççăн тепӗр кунне çамрăк упăшка мăшăрне хăй икӗ ачашăн алимент тӳлесе тăни пирки пӗлтерет.
- Уншăн кулянмалли çук, чунăм, мана хама анне патӗнче ялта пурăнакан ачасемшӗн малтанхи икӗ упăшка алиментсем тӳлесе тăраççӗ, - лăплантарать çамрăк арăм.
* * *
- Ырă тунине мӗнле ăнланмалла?
- Ырă туни япăх çынна япăх туни вăл.
* * *
- Микуль, мӗн пулнă сана, мӗншӗн çапла сӳрӗк эсӗ паян?
- Тинтерех çеç арăмăн çӗнӗ упăшки шăнкăравларӗ.
- Мӗн терӗ вара?
- Мӗн тума эсӗ арăмна виçӗ çулта нимӗн пӗçерме те вӗрентмен?! - терӗ.
* * *
Чикӗ леш енне кайсан чăнкă чăвашсем кафене кӗнӗ тет.
- Ăнланмарăм, епле кофе ку? Раççейре унăн тути урăхларахчӗ, - тет Куштан Вӗçелис.
- Мӗн эсӗ, пачах та кофе мар ку, чей вӗт, - хирӗçлет Чăнкă Мирун.
Çав вăхăтра вӗсем патне официант пырать:
- Господасем, какао тата ярса парас-и?
* * *
Чăнкă Мирун апатланса ларакан пуçлăх кабинетне пырса кӗрет, темле васкавлă ӗç пирки калаçу пуçлать.
- Кофе е чей ӗçетӗн-и? - ыйтать пуçлăх.
- Ӗçетӗп.
- Апла пыр, кайса ӗçсе кил, таврăнсан калаçăпăр.
* * *
Чăнкă чăвашсем калаçаççӗ:
- Ăнланмастăп, мӗншӗн санăн рекламуна пурте тимлӗн итлеççӗ, ӗçӳсем ăнса пыраççӗ, манăн реклама тытăнсанах канала куçараççӗ? - ыйтать Куштан Вӗçелис.
- Мӗншӗн тесен манăн рекламăна пăшăлтатса пӗлтереççӗ, - хуравлать Чăнкă Мирун.
* * *
- Мӗншӗн манăн шăлаварăн çуррине çеç якатнă? - тустарать Чăнкă Мирун çӗнӗ горничнăйне.
- Ӗнертенпе миçе хутчен каларăм, утюгăн шнурне вăрăмлатса парăр тесе, - тӳрре тухма хăтланать хӗрарăм.
* * *
Студент экзамен тытайманнипе Мускавран киле, Хусана таврăнма хатӗрленет. Амăшне СМС çырать: «Анне! Экзамен тытаймарăм, аттене хатӗрле».
Çийӗнчех хирӗç СМСка илет: «Аçуна хатӗрленӗ. Ху хатӗрлен».
* * *
Йӗркеллӗ арçын авланма шантарнă пулсан авланатех, анчах шантарман пулсан ăна ниепле те авлантараймастăн.
Следите за самым важным и интересным в Telegram-каналеТатмедиа
Нет комментариев