Тӗнчере яшка кунӗ те пур

Яшка - питӗ усăллă тата тутлă апат. Çак шухăша уйрăмах палăртас тесе халăхсен хушшинчи Яшка кунне пуçласа янă. Ăна апрелӗн 5-мӗшӗнче паллă тăваççӗ иккен.
Тӗнчере пӗр пине яхăн тӗрлӗ яшка пур. Тӗслӗхрен, кулинари искусствин тӗпчевçи Вильям Похлебкин купăста яшкин 24 тӗсӗ, пулă яшкин вара 18 тӗсӗ пуррине палăртать. Тӗнчере яшкан тӗп тӗсӗсене вара çак ушкăнсене категорисем тăрăх уйăраççӗ иккен:

1. температура енчен (ăшă тата сивӗ яшкасем); 2. калори енчен (çăмăл тата çулă); 3. ингредиентсем енчен (вегетариан, типӗ яшкисем, какай яшки); 4. пӗçернӗ енчен (пӗçерни, пюре-яшка, çăралса кайнă яшка); 5. тути енчен (тăварлă, нейтраллă, пылак). Эсир мӗнле яшка юрататăр?