Туслăх çурчӗ халь Шупашкарта та пур

Чăваш Ен Халăхсен пӗрлӗхӗн кунне регионти тӗрлӗ халăхсене пысăк парне туса Шупашкарта Халăхсен Туслăх çуртне уçнă. Пӗрремӗш тапхăрӗн юсав ӗçӗсем валли республика бюджетӗнчен 10 миллион тенкӗ уйăрнине хыпарлать «Хыпар» хаçат сайчӗ. Çав кунах Туслăх çуртӗнче пĕрремĕш мероприяти - патшалăх наци политикине пурнăçа кĕртес ĕçри малашлăхсем çинчен «çавра сĕтел» те иртнӗ, тӗрлӗ наци представителӗсем республика ертӳçисемпе пӗрле умри тĕллевсене палăртнă. Михаил Васильевич пӗлтернӗ тăрăх, Туслăх çурчĕн иккĕмĕш тапхăрне çитес çул малалла тăсӗç. Çак ĕçсене пурнăçлама 2018-2019 çулсенче 16,5 миллион тенкĕ уйăрма палăртнă. Çав шутра 11, 5 миллионне - федераци бюджетĕнчен. (С. Журавлев сăнӳкерчӗкӗ).