Çарăмсан районӗнчи чăваш ялӗнче автошкул ӗçлет

Вăтăр Юман Киремет ялӗнче ӗнтӗ икӗ çул автошкул ӗçлет. Ăна ялти шкул учителӗсем пӗртăван Ивановсем никӗслесе янă. Хальхи саккун требованийӗсемпе килӗшӳллӗн автошкулăн автодромӗ те пур. Ăна асфальт та сарнă, светофор та пур, вӗрентӳ валли кирлӗ ытти хатӗрсем те. Çакна тăрăшуллă педагогсем ял условийӗсенче туса хума пултарнă. Районта çак шкул пӗртен пӗр йӗркене пăхăнса тунă автошкул пулса тăрать. Хальхи вăхăтра унта В категорие илме нумай çын вӗренет. Курсантсен йышне илес пулсан, ытларах хӗрарăмсем руль умне ларма васкаççӗ.