Нурлатра пултарулăх фестивальне ирттерме хатӗрленеççӗ

Нурлатра çуркунне предприятисемпе организацисем, ял хутлăхӗсем хушшинче пултарулăх фестивальне ирттерме хатӗрленеççӗ, пӗлтерет район сайчӗ. Унта 18 çултан иртнӗ, тӗрлӗ отрасльте ӗçлекен уйрăм ӗçченсемпе ӗç коллективӗсем хутшăнма пултараççӗ. Фестиваль икӗ тапхăрпа «Вокал», «Хореографи», «Инструмент жанрӗ», «Конферанс» номинацисемпе иртет. Пӗрремӗшӗ - мартăн 28-мӗшӗнчен пуçласа апрелӗн 5-мӗшӗччен - Нурлат­ри халăхсен Туслăх тата хулари Культура çурчӗсенче иртет. Суйлав турне иртнӗ конкурсантсем апрелӗн 14-мӗшӗнче хулари Культура çуртӗнче иртекен гала-концерта хутшăнаççӗ. Кăмăл пуррисен заявкăсене мартăн 15-мӗшӗччен памалла.