Фаберже çăмартине курас тесен

Çӗнӗ çул вăхăтӗнче ку хулара юр - сайра тӗл пулакан япала пулсан та Санкт-Петербурга хӗллехи каникулсен вăхăтӗнче питӗ нумай турист килет. Невски проспекчӗ кунӗн-çӗрӗн тулли çын. Пурте авалхи хула илемне курса ӗлкӗресшӗн. Паллах, çак кунсенче хула капăрлăхне сăнанипе кăна мар, вӗсем тӗрлӗрен музейсене кӗрсе курасшăн. Телее кунта вӗсем питӗ нумай. Килнӗ-килнӗ Фаберже çăмартисене те, патша керменӗсене, Кунсткамерăна та курас килет. Анчах та вӗсене лекме нумайăшне йывăртарах пулчӗ пулӗ. Черетсем хăш-пӗр тӗлте 200 метра çити тăсăлчӗç. Сăмахран, кăнтăрла хыççăн Эрмитажа лекес тесен, сахалтан та 1 сехет черетре тăма тивет. Çапла ытти чаплă музейсенче те. Мӗн тăвăн, туристсен шучӗ çак кунсенче Питӗрте 7 миллион çынна çитет пулсан.