Хусанти чăваш ачисен елки

Хусанти чăваш ачисен Çӗнӗ çул уявӗ кăçал декабрӗн 25-мӗшӗнче хулари Халăхсен Туслăх Çуртӗнче (Павлюхин урамӗ, 57-мӗш çурт) пулать. Хальхинче Çеçпӗл Мишши ячӗллӗ чăваш патшалăх çамрăксен театрӗ (Шупашкар) ачасене спектакль кăтартать. Çавăн пекех Хусанти ача сачӗсене тата кӗçӗн классене çӳрекен чăваш ачисене Хӗл Мучипе Юр Пике те саламлӗç.
Йыхрав хучӗсене илме ашшӗ-амăшӗсене, асламăшӗ-кукамăшӗсене 518-33-75 телефонпа шăнкăравлама ыйтатпăр. Уява ачăра Çӗнӗ çул çинчен чăвашла сăвă вӗрентсе килме ан манăр.