Тăпру çăмăл пултăр, Валера!

Хальхи вăхăтра чăваш каччисем те Сири çӗршывӗнче çар тивӗçне пурнăçлаççӗ. Тепӗр тесен, ăçта çук вăл чăваш?! Шел, вăрçă çухатусăр пулмасть. Август уйăхӗн 3-мӗшӗнче ентешӗмӗр, Самарти çар чаçӗнче хӗсметре тăнă Чăваш Ен каччи Валерий Евдокимов çар тивӗçӗсене пурнăçланă чух паттăрла пуç хунине хыпарлать чăваш халăх сайчӗ.

Валера Евдокимов хăйӗн 30 çулхи юбилейӗччен пурӗ те 6 кун кăна пурăнса çитеймен. Унăн мăшăрӗ тата ачи тăлăха юлнă. Эпир те тăванӗсемпе, çывăх çыннисемпе тата чăвашенсемпе пӗрле хурланатпăр. Тăпру çăмăл пултăр сан, Валера!