Аэропорт ҫулне сарма тытӑннӑ

  Хусантан аэропорта илсе каякан ҫула  реконструкцилеме тытӑннӑ.

Проектпа килӗшӳллӗн, 4 полосаллӑ ҫула 6,4 километра сарасшӑн,  Kazan Expo выставка центрӗ тӗлӗнче ҫаврӑну эстакадине тӑвасшӑн. Ҫавӑн пекех транспорт развязкинчи путепровода реконструкцилеме тата ял хуҫалӑх техники валли каҫӑ тума палӑртнӑ.

Коммуникацисене улӑштарас, шыв юхакан пӑрӑхсене вӑрӑмлатас ӗҫсене ӗнтӗ пуҫланӑ.

Проектпа Пысӑк тата Пӗчӗк Кабан ялӗсен ҫывӑхӗнче тата Kazan Expo тӗлӗнче икӗ ҫуран каҫмалли переход тумалла.