Акрелсем Шупашкартан вырӑн йышӑнмасӑр таврӑнмаҫҫӗ

Иртнӗ ҫулсенче вӗсем Чӑваш наци радиовӗ йӗркелекен "Иксӗлми ҫӑлкуҫсем" фольклор уявне хутшӑнатчӗҫ пулсан, кӑҫал ЧР Культура министерстви йӗркелекен "Чӑваш ахах-мерченӗ" фольклор фестивальне кайнӑ.
Лидия Квакова ертсе пыракан "Ҫӑлкуҫ" халӑх ансамблӗн сцена ҫинчи пултарулӑхӗ пирки иккӗленекенем ҫук пулӗ, чылай фольклор конкурсӗнче мала тухнӑскерсем, вӗсем юрра-ташӑ кулленхи пурнӑҫа кӗртсе янӑ. Ял хавалӗпе Питрава та питӗ анлӑ уявлаҫҫӗ, Ҫӑварнине те. Салтака каякансен юррисене те яш-кӗрӗм хушшинче пӗлмен ҫын ҫук. Таҫта ҫити илтӗнет акрелсем кӗрлесе юрлани. Купӑс тытса вакка сикменни кӑна.
"Ҫынсене савӑнтарса хамӑр та савӑнатпӑр",– тет нумай пулмасть солист ӗҫне алла илнӗ хӗллехи шывра ӳт-пӗвне пиҫӗхтерекенсен ертӳҫи Михаил Кваков.
Хальхинче акрелсем Шупашкартан II степеньлӗ Диплом илсе таврӑнчӗҫ.
Саламлатпӑр!