Актанышра рабочисем погрузчик ковшӗнче ларса пынӑ вӑхӑтра ҫул ҫине хӑйӑр ывӑтнӑ

Актаныш районӗн прокуратури тӗпчесе палӑртнӑ тӑрӑх, ноябрӗн 30-мӗшӗнче "Коммунсервис" муниципаллӑ унитарлӑ предпоиятин икӗ ӗҫченӗ куҫса пыракан погрузчик "алтарӗ" ҫинчен райцентр урамӗсенчен пӗрне хӑйӑр сапаланӑ. 

Ӗҫе хӳтӗлес йӗркесемпе килӗшӳллӗн, тиенӗ тата пушатнӑ вӑхӑтра погрузчик ковшӗ ӑшӗнче ларма юрамасть. 

Тӗрӗслев пӗтӗмлетӗвӗсем тӑрӑх, надзор ведомстви «Коммунсервис» МУП директорӗн тивӗҫӗсене пурнӑҫласа пыракан пирки ӗҫе хӳтӗлес требованисене пӑхӑнманшӑн административлӑ ӗҫ пуҫарнӑ. 

Тӗрӗслев материалӗсене ТР Патшалӑх ӗҫ инспекцине пӑхса тухма ӑсатнӑ.