Ҫамрӑк "кулибинсем" Хусана пухӑнаҫҫӗ

Июнӗн 22-23-мӗшӗсенче Хусанти IT-паркра ҫамрӑк изобретательсемпе рационализаторсен «Кулибины XXI века» олимпиади иртет. Кӑҫал унта 19 районтан 80 шкул ачи хутшӑнать.

Вӗренекенсем техника задачисене стандартсенчен пӑрӑнса татса параҫҫӗ, сыпӑнман япаласене ҫыхӑнтарса. Вӗсем тунӑ япаласемпе тӳрех усӑ курма пулать. Олимпиадӑна 2008 ҫултан ирттерме пуҫланнӑранпа ӗҫсен пахалӑхӗ улшӑннӑ: хутран тунӑ вылямаллисем вырӑнне интереслӗ хатӗрсем илсе киле пуҫланӑ. Чылай ача хӑйсен изобретенийӗсем ҫине патентсем илсе ӗлкӗрнӗ.
Республикӑри Олимпиадӑна ҫӗнтернисем Пӗтӗмраҫҫейри рационализаторсен конкурсӗсен финалӗсене хутшӑнӗҫ.
.