Апрелӗн 11-мӗшӗ 80 çул каялла

– 4-мӗш Украина фрончӗн çарӗсем Чехословакипе Румыни çарӗсемпе пӗрле Ружомберок (Словаки) хули çывăхӗнчи Святой Мартин, Врутка чугун çул станцийӗсемпе 40 ытла яла ирӗке кăларнă.

– 2-мӗш Украина фрончӗн çарӗсем Братиславăран çурçӗр хӗвеланăçӗнчи Морава юханшывӗ патӗнчи наступление малалла тăсса Австри çӗршывӗн территорийӗнчи 11 яла илнӗ.

– 3-мӗш Украина фрончӗн çарӗсем Дунай каналне каçса Вена хулин кăнтăр-хӗвелтухăç районне йышăннă.

– Мускавра СССРпа Югослави çӗршывӗсем пӗр-пӗрне пулăшасси, вăрçă хыççăн пӗр-пӗринпе çыхăну тытасси пирки килӗшӗве алă пуснă.

–  Фашистсен Бухенвальд концентраци лагерӗнче тыткăнрисем пăлхав çӗклесе лагерь территорине туртса илнӗ хыççăн ăна Америка çарӗ ирӗке кăларнă.