Ҫарӑмсанра чӑваш халӑх поэчӗн музейӗ пулать

Ҫарӑмсан районӗнчи Ҫӗнӗ Йӗлмелӗнче чӑваш халӑх поэчӗн, Порфирий Афанасьевӑн музейне тӑваҫҫӗ. Вӑл сӑмах ӑсти ҫуралнӑ килтех пулать.
Вырӑнти шкул хирӗҫҫинче кӑшт чалӑшрах вырнаҫнӑ пӳрте юсаса ҫӗнетнӗ. Шалти япаласене тирпейлес ӗҫсем пыраҫҫӗ.
Порфирий Васильевич пурнӑҫӗпе ҫыхӑннӑ экспонатсем пӗчӗккӗн тупӑнсах пыраҫҫӗ. Унсӑр пуҫне 1950-мӗш ҫулсенче чӑваш ялӗнче усӑ курнӑ хатӗрсем те пухӑнаҫҫӗ пулас музее.
Экспозицинене йӗлмелсем кӑҫал туса пӗтерме шутлаҫҫӗ.