Аслă поэтăмăр çуралнăранпа 131 çул çитет

Константин Иванов çуралнăранпа 131 çул çитнине халалласа Пушкăрстан Республикин Пелепей районӗнчи Слакпуç ялӗнче майăн 28-мӗшӗнче поэзи уявӗ иртет. Унта чăваш культурине аталантаракан вырăнти хастарсемсӗр пуçне Чăваш Республикин, Тутарстан Республикин делегацийӗсем хутшăнмалла. Тутарстан Республикин делегацине Аксу районӗнчи ЧНКЦ ертӳçи Роза Чентаева ертсе пырӗ. 

Хăнасемпе хуçасем йăла тăрăх, поэт музейне курса çаврăнӗç, К.В.Ивановăн вилтăпри çине чечек çыххисем хурӗç. Унтан ялăн Культура çуртӗнче литературăпа юрă каçӗ пуçланӗ.