Белоруссири çар вӗрентӗвӗсем вӗçленнӗ, салтаксем киле таврăнаççӗ

Кремль представителӗн сăмахӗсемпе çакнашкал «маниакаллă информаци ăссăрлăхне» ăнланса пӗтерме çук. Çав вăхăтра кӳршӗ çӗршыври хуласенче бомбоубежищесене тасатса хунă, карчăксене пăшал пеме вӗрентеççӗ, «сас-чӳ» чемоданӗсене хатӗрлеççӗ. Олигархсем хăйсен самолечӗсемпе Украинăран ӗнер мар пӗр кунах тарни çинчен пӗлтерчӗç хыпар хатӗрӗсем. Çӗршыв Раççей тапăнасса кӗтет. Зеленский та çакна кура Пӗрлӗх кунӗсем паллă тăвассине патшалăх шайӗнче çирӗплетет.  

«Çак лару-тăрăва ăнланса пӗтерме çук. Хăш чухне Путин кун пирки шӳтлесе те илет – вăл вăрçă миçе сехетре пуçланассине ниçта та пичетлемеççӗ-и тесе кăсăкланать» - тесе палăртнă Песков.  

Юлашки вăхăтра анăçри хыпар хатӗрӗсем Раççей Украинăри эскалаци патне хатӗрленни çинчен пӗлтереççӗ. Раççей енӗ «никама та тапăнма хатӗрленменни» çинчен пӗрре мар каланă пулин те, хăй енчен, информаци провокацийӗсене çакланас мар тесе, Украина территорийӗнче вырнаçнă учрежденийӗсен ӗçне оптимизацилесси çинчен пӗлтернӗ.

Владимир Путин Президент Украинăн влаçӗсене Минск килӗшӗвӗсен «демонтажӗнче» айăпланă.
Михаил Захаров сăнӳкерчӗкӗ