Çак идея тӗрӗс, анчах пурнăçа кӗресси иккӗленӳллӗ

«Çак идея тӗрӗс, анчах пурнăçа кӗресси иккӗленӳллӗ, – тесе пӗлтернӗ Новости РИА-на РФ Патшалăх Думин экономика политикин комитечӗн председателӗн çумӗ Михаил Делягин. – Жириновский идеи тӗрӗс, анчах та вăл ăна ӗнтӗ 18 çул калать, çавăнпа та çак шухăш пурнăçланасси пирки шутлама иртерех». Ун сăмахӗсемпе, çак çулсенче хӗллехи кану пирки Думăра тӗрлӗрен сӗнӳсем пулнă. Вӗсене майри уявсем патне е отпусксем çумне хушма сӗннӗ тата ытти те. Анчах та мӗн пур идея хальлӗхе сӗнӳ шайӗнче çеç çӳреççӗ.

Жириновский шучӗпе Çӗнӗ çулхи каникулсем вăхăтӗнче вилеслӗх шайӗ çӗршывра питӗ хăпарса каять, мӗншӗн тесен алкоголь ӗçесси ӳсет, килти преступленисен, хирӗçӳсен шучӗ нумайланать. Çитменнине, экономикăра та çухатусем пӗчӗк мар, мӗншӗн тесен çак вăхăтра вăл чарăнса ларать, тенӗ депутат.