Çакнашкал акцисем пӗтӗм республикипе, пӗтӗм çӗршывӗпе иртнӗ

Июнӗн 21-мӗшӗнче çӗрле Тутарстан Республикикнчи «Молодая Гвардия» çамрăксен организацийӗ «Вăрçăн вутлă ӳкерчӗкӗсем» халăхсем хушшинчи çулсерен иртекен акцие ирттернӗ. Ăна паттăр-хуласенче, салтак мухтавӗн хулисенче тата ӗç хастарлăхӗн хулисенче Тăван Çӗршывăн Аслă вăрçинче пуç хунисене асăнса ирттереççӗ.

Хусанти Çӗнтерӳ Паркӗнче молодогвардеецсем çуртасенчен Совет Союзӗн геройӗн Михаил Петрович Девятаевăн портретне тата Хусанта вăрçă вăхăтӗнче кăларнă «Пе-2» самолета ӳкерчӗк тунă. Ун валли 10 000 ытла çурта усă курнă. Вӗсене çутнă хыççăн çамрăксем вилнисене асăнса пӗр минут шăп тăнă.  

Мероприятие ТР çамрăксен ӗçӗсен министрӗ Дамир Фаттахов, РФ Патшалăх Думин депутачӗ Ольга Павлова, Тр Патшалăх Канашӗн депутачӗсем Илья Вольфсон тата Марат Нуриев, Хусанти Авиастроительнăй тата Ново-Савиновски районӗсен пуçлăхӗ Фанис Нурмухаметов хутшăннă.