Чаплӑ машинасене кӑларма арабсем пулӑшаҫҫӗ

Раҫҫейри премиум-класслӑ Aurus Senat автомобильсен проектне графикпа килӗшӳллӗн пурнӑҫа кӗртеҫҫӗ. "Алабуга" экономика зонинчи Ford Sollers завод машинӑсен пилотлӑ проектне кӑларнӑ, тесе пӗлтерет РФ Промышленность тата суту-илӳ министерстви. 

"Aurus" проект Раҫҫей Минпромторгӗ ҫирӗплетнӗ производство графикӗпе килӗшӳллӗн пырать. Аurus пандеми тапхӑрӗн мӗн пур йывӑрлӑхне иртнӗ тесе ҫирӗплетме пулать",– тесе пӗлтереҫҫӗ ведомствон пресс-службинче. 

Хальхи вӑхӑтра автомобильсем Раҫҫейӗн "НАМИ" патшалӑх наука центрӗнче кирлӗ тӗрӗслевсене иртеҫҫӗ. Пилот партийӗнчи машинасене сутлӑха кӑлармаҫҫӗ.

"Алабуга" пӗрлешӳллӗ экономика зонин Aurus проектне инвестици партнерӗ пулса арабсен «Тавазун» фончӗ кӗнӗ, вӑл премиаллӑ автомобильсене тунӑ ҫӗре 6,6 млрд тенкӗ укҫа кӗрет.