Чăваш çамрăкӗсен театрӗ «Наврузра» пӗчӗк зала суйласа илнӗ

ХУСАНТА июнӗн 7-13-мӗшӗсенче иртекен XV«Науруз – 2021» тӗрӗк халăхӗсен театр фестивалӗ кăçал онлайн тата офлайн форматпа иртет. Пандемие пула килеймен Казахстан, Кăркăстан, Узбекистан тата ыттисен спектаклӗсене Г.Камал театрӗн сайтӗнче онлайн майпа кăтартаççӗ. Тутарстанри тата регионсенчи тӗрӗк халăхӗсен театрӗсен 25 спектакльне курма май пур пирӗн. Фестиваль валли Хусанта пурӗ 7 площадка хатӗрленӗ. Чăвашсенчен хальхинче Çеçпӗл Мишши ячӗллӗ Чăваш патшалăх çамрăксен театрӗ Н.Гоголь произведенийӗ тăрăх лартнă «Шинель» драмипе хутшăнать. Спектакль июнӗн 11-мӗшӗнче 14 сехетре Г.Камал театрӗн пӗчӗк залӗнче пулать.