Сувар

Чăваш чунӗ – Чӗмпӗрте!

Ульяновск кӗпӗрнаттăрӗ Чăваш çырулăхӗн 150 çулне Чӗмпӗрте апрелӗн 17-мӗшӗнче паллă тăвас шухăша ырланă.

Чăваш çырулăхӗ пуçланнăранпа (1871 çул) тепӗр çул 150 çитет.  Ульяновск облаçӗнчи чăваш наципе культурин автономийӗ çак паллă куна анлăн паллă тума хатӗрленет. Чăн та, кăçалхи пек пандеми ура хумасан. Кун çинчен облаçри чăвашсен лидерӗ Олег Мустаев чăваш литературин форумӗнче пӗлтерчӗ. Кӗпӗрнаттăр чăвашсен шухăшне ырланă, йышăнăва çӗнӗ çул умӗн алă пусса çирӗплетӗ. Сăмах май, Олег Морозов кӗпӗрнаттăр чăвашсен ӗçне тимлӗхре тытать. Чăваш литературин форумӗн пӗтӗмлетӗвӗсемпе паллашас тӗллевпе ноябрӗн 4-мӗшӗнче УОЧНКА председателӗпе, Ульяновск облаçӗн Обществăлла палатин пайташӗпе Олег Мустаевпа тӗл пулать. Чăваш çырулăхӗн кунне Чӗмпӗрте хăçан палăртасси те паллă, уяв 2021 çулăн апрелӗн 17-мӗшӗнче пулать. (К. Малышев сăнӳкерчӗкӗ).

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: