Чăваш Республики коронавируспа чирлисен шучӗпе Тутарстанран иртсе кайнă
Пандемияна пула Чăваш Енре пурӗ 21 çын вилнӗ. Тутарстанра – 12
Коронавируспа чирлисен шучӗпе Чăваш Республики Тутарстанран иртсе кайнă. Унта июнӗн 19-мӗшӗ тӗлне COVID-19-па чирленисем 4401 çынна çитнӗ, пирӗн республикăра 4114 çын. Уйрăмлăх нумаях мар пек, анчах та республикăсенчи çынсен шутне танлаштарсан ӳкерчӗк пачах урăхла пулать: Чăваш Енре 1 миллион те 200 пин ытла çын пурăнать пулсан, Тутарстанра 3 миллион та 900 ытла пин çын.
Кӳршӗ республикăри лару-тăру питӗ япăхах мар, сывалакансем те нумай, анчах июнӗн 19-мӗшӗ тӗлне унта 70 çӗнӗ çынра çӗнӗ чире тупса палăртнă. Пандемияна пула Чăваш Енре пурӗ 21 çын вилнӗ. Тутарстанра – 12.
Пирӗн республикăри сводка тăрăх, Хусанта 19, Çырчаллинче 6, Нурлатра 3, Ешӗлварта 2, ытти ултă районра (вӗсен хушшинче Çӗпрел те пур) – пӗрер çын чирленӗ.
Тутарстанра 1133 çын коронавирусран сипленет, Чăваш Республикинче – 1956.
Следите за самым важным и интересным в Telegram-каналеТатмедиа
Нет комментариев