Чӗмпӗр чӑвашӗсем пирӗн алфавита палӑк лартасшӑн

Ҫӗнӗ чӑваш ҫырулӑхӗ йӗркеленнӗренпе 150 ҫул ҫитнӗ тӗле Чӗмпӗрте чӑваш алфавичӗн палӑкне лартӗҫ. Ҫак шухӑша Ульяновск облаҫӗнчи Чӑваш наципе культура автономийӗн ертӳҫи Олег Мустаев облаҫ кӗпӗрнаттӑрӗпе вырӑнти наципе культура автономийӗсен председателӗсем тӗлпулнӑ вӑхӑтра каланӑ.
Палӑка Воробьёв урамӗнче вырнаҫнӑ Чӗмпӗрти чӑваш шкулӗ патӗнче 2021 ҫулта лартасшӑн.
Ҫавӑн пекех ҫитес ҫул Чӑнлӑ районӗнчи Аслӑ Нагаткинра Пӗтӗмраҫҫейри ял Акатуйне ирттерме палӑртнӑ Чӗмпӗр чӑвашӗсем.
Тумалли ӗҫсем нумай. Чӑвашкасси ялӗнче юпа лартма хатӗрленеҫҫӗ, Ульяновски Чукун ҫул районӗнчен 47-мӗш шкулта чӑвашсене ҫутта кӑлараканӑн Иван Яковлевич Яковлевӑн бюстне вырнаҫтарма.
Олег Морозов кӗпӗрнаттӑр палӑртнӑ пур ыйтура та пулӑшма шантарнӑ.
Ульяновск облаҫӗнче Халӑхсен Туслӑхӗн Ҫуртне тума палӑртнӑ.