Сувар

Чукун çул, арăм, çӗçӗ...

Çак, тӗрлӗ çӗрте пулса иртнӗ икӗ преступление тӗлӗнмелле пӗрпеклӗх çыхăнтарса тăрать. Ахăртнех хăш-пӗр телеканалăн «кăшкăракан» передачисем те витӗм кӳмеççӗ мар пулӗ çынсен миммисем çине. Тен эпир йăнăшатпăр-тăр та...

Ӗнер Нурлат районӗнчи Чăваш Менчинчи пӗр кил хуçалăхăн пуссинче хӗрарăм виллине тупнă. 35 çулти хӗрарăм ӳчӗ çинче пăвнă тата çӗçӗпе каснă йӗрсем пулнă. Çак кунах Нурлатри чукун çул линийӗ çинче унăн 57 çулхи упăшкин виллине тупнă. Следовательсем малтанласа палăртнă тăрăх, вăл хăйне хăй вӗлернӗ.  

Следстви шутланă тăрăх, упăшкипе арăмӗ хушшинче хирӗçӳ тухнă. Арçын кӗвӗçнипе арăмне вӗлернӗ, ун виллине пусса пăрахнă, кайран Нурлата кайса хăй çине алă хунă.

Çак фактпа «Çынна вӗлерни» статьяпа уголовнăй ӗç пуçарнă. Следовательсем трагеди мӗнрен пуçланнине тӗпчеççӗ.

Нумай пулмасть тепӗр çакнашкал хăрушă хыпар çӗршывпа саланнăччӗ. Питӗрти контр-адмиралăн çемйине ирсӗрле вӗлернине тӗпчеççӗ следовательсем. Леонид Лобановăн 84 çулхи арăмӗпе 56 çулхи ывăлне çывăрнă вăхăтра сӗрсе пăрахнă. Кӳршисем икӗ эрнерен виле шăрши тухсан кăна полицейскисене чӗнеççӗ. Следовательсем çакна контр-адмирал хăй тунă тесе шутлаççӗ. Мӗншӗн тесен хваттертен нимӗн те çухалман. Питӗрти хваттерти вилесене тупиччен пӗр эрне маларах кил хуçин хăйӗн виллине «Ручьи» станцийӗ патӗнчи электричка кустăрмисем айӗнче тупаççӗ. Ыйтусем нумай. Следовательсен те, ахаль çынсен те. 

Çак икӗ преступление тӗлӗнмелле пӗрпеклӗх çыхăнтарса тăрать. Ахăртнех хăш-пӗр телеканалсен «кăшкăракан» передачисем те витӗм кӳмеççӗ мар пулӗ çынсен миммисем çине. Тен эпир йăнăшатпăр-тăр та, çапах...  

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: