Чӑвашкассисен ялӗ варринчех юпа пур халь
"Пӗлменнине –Турӑ каҫарать", – теҫҫӗ тӗне кӗмен чӑвашсем вӑл е ку йӑлана тунӑ чухне мӗн-тӗр пӗлмесен е манса кайсан. Йӑла тӑрӑх, юпасене юпа уйӑхӗнче тата урӑх вырӑнта лартаканччӗ.
Вырсарникун Ульяновск облаҫӗнчи Чăнлă районĕнчи тĕне кĕмен чăвашсен ялĕнче Юпа лартнă, тесе пӗлтерет Чӗмпӗрти "Канаш" хаҫат.
Палӑка Иван Яковлев уçнă Чӑвашкассинчи шкул-музей картинче вырнаçтарнă.
УОЧНКА председателĕ Олег Мустаев, Чăнлă район администраци пуçлăхĕ Геннадий Мулянов, Чăвашкассинчи хисеплĕ таврапĕлÿçĕ тата вĕрентекен Василий Селендеев, УОЧНКАн Засвияжски районĕнчи уйрăмĕн пуçлăхĕ Анатолий Сайдяшев, хисеплĕ таврапĕлÿçĕ, чăваш халăх академикĕ Владимир Ярухин, Зинаида Портнова (Сăр районĕ), Еленăпа Анатолий Уресметовсем, Ҫăрттанлă районĕнчи (Пенза облаçĕнчи) Итĕм-Кура ялĕнчен килнĕ хăна Михаил Васильев тата ытти хастарсем хутшăннӑ.
Мероприятие ĕлĕкхи чăваш йăлисене тĕпе хурса ирттернĕ. Мӑчавар мешехисене Ҫӗпрел районӗнчи Ҫӗнӗ Упире ҫуралса ӳснӗ Владимир Ярухин туса ирттернӗ.
Юпа авторĕ — Анатолий Сайдяшев, юман йывăçа касса кăларса хатĕрлекенĕ — Чăвашкасси çынни Геннадий Сайдяшев.
Юпан пӗлтерӗшӗ пирки те пӗр-ик сӑмах калар. Вӑл культ юпи мар, унӑн эстетика пӗлтерӗшне масар йӑлисемпе ҫыхӑнтарни тӗрӗсех пулмасть. Вӑл йывӑҫран ӑсталанӑ палӑк. Ӑна, Ырлӑха, Сывлӑха, Пурлӑха тата Юратӑва халалласа лартнӑ.
Следите за самым важным и интересным в Telegram-каналеТатмедиа
Нет комментариев