Çил-тăманран йăлăхса çите пуçларăмăр ӗнтӗ

Тутарстанра каллех çил-тăман тухасса кӗтеççӗ. Кăрлачăн 19-мӗшӗнче çиллӗ çанталăк пулать, чылай çӗрте юр хӳсе тултарать тесе асăрхаттараççӗ синоптиксем.

Çил хăвăртлăхӗ республикăра çеккунта 15-20 метра çитме пултарать, Хусанта – çеккунта 18 метр. Тăвăл вăхăтӗнче çулсем çинче начар курăнать, пăрлак пулма пултарать, юр хӗвет тата юр «пăтти» кӗтмелле.

Çӗрлехи сывлăш температури −7 градусран пуçласа −2 градус таран пулать, кăнтăрла çанталăк −5, –0 градус таран пулмалла.