Çитрӗ çӗнӗ вӗренӳ çулӗ

Иртнӗ эрнекун Пӗлӳ кунне пӗтӗм Раççей паллă турӗ. Хӳхӗм тумланнă вӗренекененсен аллинчи чечек çыххисем, пӗрремӗш класа каякансене ашшӗ-амăшӗ, çывăх тăванӗсем ăсатма пыни... Çакăн пек картинăна кашни шкулта курма пулчӗ сентябрӗн 1-мӗшӗнче.

Кайпăç районӗнчи Кӳлпуçӗнчи шкулта та 2023-2024 çулсенчи вӗренӳ тапхăрӗн пуçамăшне чыслăн кӗтсе илчӗç. Шкулта вӗренекенсемпе вӗрентекенсене саламлама хăнасем ятарласа килнӗ: Кайпăç муниципаллă район пуçлăхӗ Альберт Ильгизарович Рахматуллин, ТР Çӗр тата пурлăх хутшăнăвӗсен министрӗ Фаниль Анварович Аглиуллин, Кайпăç районӗн вӗрентӳ уйрăмӗн пуçлăхӗ Ильмас Ильдарович Хамидуллин, ТР ЧНКА председателӗн çумӗ К.А.Малышев, Апас тата Кайпăç районӗсен çар комиссарӗ Наиль Зантимеров пулчӗç.

Ятарлă çар операцийӗнче 2022 çулхи ноябрӗн 22-мӗшӗнче пуç хунă чăваш каччине Николай Иванович Козина асăнса пуç тайрӗç. Н.И.Козина çапăçура паттăрлăх кăтартнăшăн «Хастарлăхшăн» орденпа наградăланă (вилнӗ хыççăн). Çар комиссарӗ наградăна Николай Козинăн ашшӗпе амăшне –Иван Николаевичпа Людмила Владимировнăна пачӗ.

Тӗплӗнрех «Сувар» хаçатăн сентябрӗн 8-мӗшӗнче тухакан номерӗнче вуласа пӗлме пулать.

Автор сăнӳкерчӗкӗсем.