Çу вăрри хăйӗн айăпне йышăннă

2023 çулхи сентябрӗн 22-мӗшӗнче Нурлат район сучӗ маларах пӗрре мар айăпланнă К. гражданин тӗлӗшпе пуçарнă ӗçе пăхса тухнă. 

2023 çулхи январӗн 6-мӗшӗнче К. гражданин, маларах РФ Право нормисене пăснин кодексӗн 7.27-мӗш статйин 2-мӗш пайӗпе çыхăннă административлă явап тытнăскер, вырăнти апат-çимӗç лавккине кӗнӗ те куртки ăшне пытарса 6 пачка услам çу вăрласа тухнă. Ку сахал пек туйăннă пулас ăна, çав мелпех тата 3 пачка вăрланă. 

К. гражданин судра хăйӗн айăпне йышăннă, лавккана кӳнӗ тăкака — 1200 ытларах тенке — тӳлесе татнă. Маларах пӗр хутчен çеç мар судпа айăпланнăскере РФ Уголовнăй кодексӗн 158.1-мӗш статйипе айăпланă, 6 уйăх тӗрӗслев вăхăчӗ палăртса 6 уйăха условно ирӗкрен хăтармалла тунă. Приговорпа килӗшмесӗр жалоба паман, çавăнпа та вăл законлă вăя кӗнӗ.

Интереслӗ, ун чухлӗ çупа мӗн тăвасшăн пулнă-ши вăл? Ӗмӗтсӗрлӗх е чăн та çу питӗ юратнă-ши? 

Ольга МАКСИМОВА,

Нурлат районӗ сучӗн суд ларăвӗн секретарӗ.

«Татар-информ» ИА сăнӳкерчӗкӗ.