Сувар

Допинг арҫынран хӗрарӑма куҫма пултарать

2021 ҫулхи январь пуҫламӑшӗнче Украина теннисисткин Даяна Ястремскаян организмӗнче метаболитсем тупнӑ. Анчах та теннисистка айӑпне йышӑнма васкаман

Вӑл организмӗнчи допинга секспа ӑнлантарнӑ. Имӗш Даяна допинг офицерсем унран анализ иличчен маларах местеролон метаболичӗсем йышӑнакан каччӑпа ар ҫыхӑнӑвне кӗнӗ, имҫам ӑна арҫынран куҫнӑ.

Палӑртса хӑвармалла, местеролон – андрогенлӑ япала, ӑна арҫынсен хастарлӑхне ӳстерме ӗҫеҫҫӗ. Тӳрре тухас тесе спортсменка полиграф тӗрӗслевне те иртнӗ.
Допинг тӗрӗслекен комисси ӑна Токиори Олимпиадӑна хутшӑнма ирӗк панӑ.
Даяна Ястремская айӑпа хӑй ҫинчен сирес тӗслӗх теннисистсем хушшинче пӗрремӗш мар. Хӳтӗленес тесе спортсменсем тӗлӗнмелле версисем шыраса тупаҫҫӗ. Ҫапла Колумби теннисисчӗ Роберт Фара болдеон унӑн организмне ҫинӗ какайпа пӗрле кӗнине ӗнентернӗ. Латин Америкинче выльӑх-чӗрлӗхе ӳстернӗ ҫӗрте ҫавнашкал веществосене чӑн та усӑ кураҫҫӗ. Француз Ришар Гаске кокаин унӑн организмне хӗрпе чуптунӑ вӑхӑтра куҫнӑ тесе ӗнентернӗ трибунала. Аргентинец Мариано Пуэрта унӑн допинг-проби кӑтартнӑ эмел организмне ӑнсӑртран лекнӗ тесе ӗнентернӗ. Имӗш вӑл арӑмӗ маларах таблетка ӗҫме усӑ курнӑ стаканран шыв  ӗҫнӗ.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: