Ĕç профессийӗсене вӗрентме виртуаллӑ тренажер
Тутарстанра инжиниринг центрӗ Хусанти патшалӑх культура институчӗн никĕсĕнче ӗç профессийӗсене виртуаллӑ вӗрентессин тренажер комплексне хатӗрленӗ. Вăл опытсӑр ӗçчене кӑткӑс алӑ операцийӗсене астуса юлма тата вĕсене пурнӑçлама хӑнӑхтарать. Кун пирки Хусанти патшалӑх культура институчӗн пресс-службинче пӗлтернӗ.
Инжиниринг центрӗн директорӗ Шамиль Султанов каласа панӑ тӑрӑх, тренажер комплексӗпе усӑ курни çынна харӑсах темиçе форматпа – визуальлӑ, текст тата аудио-инструкци евӗр информаципе тивӗçтерет, унӑн пахалӑхне çухатмасӑр 2-3 хут вӗрентӳ вӑхӑтне чакарать.
«Йӑлана кӗнӗ мелсемпе усă курсан ĕç профессийӗсене хӑнӑхтарни темиçе уйӑха тăсăлма пултарать, тренажерпа усӑ курни вара çак вăхăта 3-4 эрнеччен чакать», — палăртса хăварнă Шамиль Султанов.
Промышленностьри проектсен управленийӗн центрӗнче Хусанти патшалӑх культура институчӗн никĕсĕнче инжиниринг центрне туса хуни Раççей экономикишӗн питӗ актуаллӑ тесе палӑртнӑ. Хусанти ӑсчахсем хатӗрленĕ тренажер комплексне çитес вӑхӑтра вӑтам професси пӗлӗвӗ паракан сферӑра та, тухӑçлӑ программӑсемпе тата методикӑсемпе кӑсӑкланакан промышленность предприятийӗсен ĕçченесене çӗнӗрен вӗрентес ӗçре те усӑ курӗç.
Хусанти патшалӑх культура институчӗн пресс-службин сăнӳкерчӗкĕ.
Следите за самым важным и интересным в Telegram-каналеТатмедиа
Нет комментариев