Эксперт шухӑшӗ

Конституцире право суверенитечӗ пирки тӳрлетӳсем кирлех, мӗншӗн тесен Раҫҫей ӗнтӗ  темиҫе ҫул санкцисен условийӗнче пурӑнать. Ҫак шухӑша Хусан федераллӑ университечӗн конфликтологи кафедрин заведующийӗ, вӑлах КФУ ҫумӗнчи обществопа политика, тата этноконфесси ыйтӑвӗсемпе ӗҫлекен Экспертсен Канашӗн яваплӑ секретарӗ Андрей Большаков каланӑ.
"Енчен те эпир халӑхсем хушшинчи право Раҫҫейри праворан ҫӳллӗрех пулнине йышӑнас пулсан, Эпир Европа санкцийӗсене парӑннӑ пулса тухать. Анӑҫа хирӗҫ алӑсене ҫӗклесе тухасси ҫеҫ юлать",– палӑртнӑ ученӑй.
Ун шухӑшӗпе ҫак тӳрлетӗве общество тӗрев паратех, мӗншӗн тесен ку халӑх тата политика класӗн интересӗсем майлӑ.