Сувар

г. Казань

18+
2024 - год Семьи
Çӗнӗ хыпарсем

Эсӗ плащ пӗркенсе тух!

Анекдотсем

Тулли автобуса карчăк кӗрет, икӗ ларса пыракан хӗрсене хирӗç тăрать. Тăрса пырать, чӗнмест. Юнашар ларакан çулсенчи арçын чăтса тăраймасть, калать:

  • Хӗрсем, мӗнле намăс мар сире?! Ватă çынна вырăн парăр ӗнтӗ!

Пӗр хӗрачи хăйне питӗ ăслă тесе шутлать пулмалла, хуравлать:

  • А, тен, эпӗ ача çуратма хатӗрленетӗп-тӗр?
  • Эсӗ ача çуратаймастăн!
  • Мӗншӗн тата?!
  • Крокодилсем çăмарта тăваççӗ.

***

Маршруткăна карчăк кӗрет, унăн сумкинчен мӗн-тӗр тухса ӳкет. Водитель шӳтлет:

– Мӗн ӳкет – çав веç манăн.

Карчăк хуравлать:

  • Эсӗ, атя, кай майпен кăна, ату эпӗ те ӳкӗп те, веçех санăн пулса тăрăп.

***

  • Кӳршӗ, манăн кушак сан йыттуна вӗлерчӗ.
  • Мӗнле вӗлертӗр, вăл вӗт овчарка?!
  • Пырне ларса...

***

Брежнев юлташлă çӗршывсенчен пӗрне килсе çитнӗ ятпа орудисенчен салют параççӗ тет. Иккӗмӗш хут пенӗ хыççăн пӗр карчăк йӗрке хуралçинчен ыйтать:
– Мӗншӗн тупăпа переççӗ?

– Брежнев килнӗ.

– Мӗн, пӗрре персе лектереймен-им?

​ ***

Наркоман автобуса пӗр ватă карчăк çумне килсе ларать.

– Пӗлетни, ачам, эсӗ вӗт тӳрех тамăка лекетӗн, – тет кăна ватă çын. Наркоман тӳрех сиксе тăрать те автобус водителӗ патне чупса пырса калать:

– Тархасшăн, чарăнăр, кăларăр мана, эпӗ ку автобуса лармалла марччӗ!!!

***

Икӗ кинеми поездра пыраççӗ. Калаçса каяççӗ хайхи.

  • Эсир ăçталла çул тытатăр?
  • Ӗпхӗве каяп.
  • Эпӗ Ӗпхӳрен таврăнатăп.

***
Следователь вăрăран ыйтать:

– Ну, арчине çӗмӗрнӗ, юрӗ. Карчăкне мӗншӗн вӗлертӗр? Вăл вӗт юнашар пӳлӗмре çывăрса выртнă, хăлхи илтмен унăн, куçӗ курман... Эсӗ вӗт çакăн çинчен вăрлама кӗриччен пӗлнӗ.
– Пӗлнӗ. Анчах хупă арча çине хут çыпăçтарнăччӗ. Ун çине «Эпӗ вилнӗ хыççăн уçмалла» тесе çырнăнччӗ. Эп вӗт вулама пӗлеп!

***

Пăянамăшӗ кинне калать:
– Çитет ӗнтӗ интернетра ларса, ав тухса йăрансене шăвар хăть.
– Урамра вӗт çапса çумăр çăвать!
– Эсӗ плащ пӗркенсе тух! 

Следите за самым важным и интересным в Telegram-каналеТатмедиа


Галерея

Оставляйте реакции

2

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев