Этемшĕн этем ан пултăр ытлашши

Ирек Закиров ертсе пыракан ентешлĕх  çак ыркăмăллăх акцине йăлана кĕртрĕ тесен те юрать. Пăхаканĕсемсĕр юлнă ватăсем валли уяв сĕтелĕ хатĕрленисĕр пуçне 20 шкап парнелерĕç. Хальхи вăхăтра интернатра 120 ватăпа инвалид пурăнать, вĕсенчен 25-шĕ вырăнпах выртать. Вĕсене пăхнăшăн пенси укçин 75 проценчĕ патшалăха юлать. Ватăсен çуртĕнче хÿтлĕх тупнисенчен 47-шĕ кăна пăвасем, Апаспа Хусантан 15-шер, Çĕпрелпе Теччĕрен те пур. Пăвари интернатăн шайĕ республикăри ытти çакнашкал çуртсенчен çÿллĕрех. Медицина тивĕçтерĕвĕ шутне массаж, физиотерапи, ЛФК. Вырăнсем пушă тăмаççĕ.

Кунта паллашса пĕрлешнĕ тĕслĕхсем те пур. Интернатра хальхи вăхăтра кун пек 7 мăшăр пурăнать. Хăшĕ-пĕрин ачисем те сывах, анчах та ашшĕне е амăшне каялла илсе  каяс текенсем сайра. Курма та вĕсем сайра килеççĕ. " Темшĕн ытларах аякри тăванĕсем халĕсемпе кăсăкланаççĕ. Çĕпрел райадминистрацийĕ те хăй район çыннисене манмасть, час-часах килсе çÿрет. Парнесем парать",- терĕ ватăсен çурчĕн ертÿçи Разиня Хисамутдинова. (Автор сăнÿкерчĕкĕсем).