Фарид Мухаметшин Раҫҫей тата Тутарстан патшалӑх наградисемпе ӗҫре палӑрнисене чысланӑ

"Паян эпир Тутарстанӑн чи хастар ҫыннисене чыслатпӑр. Эсир пирӗн республикӑн ылтӑн фончӗ. Тӗрлӗ сферӑра калама ҫук пысӑк пултарулӑх кӑтартрӑр. Пандеми вӑхӑтӗнче тӗлӗнмелле профессионализм кӑтартнӑ сывлӑх сыхлав системинче ӗҫлекенсене уйрӑмах тав тӑватӑп. Вӗсем хӗрлӗ зонӑра ӗҫлесе халӗ те пире коронавируспа кӗрешме пулӑшаҫҫӗ", – тенӗ Тутарстан парламенчӗн пуҫлӑхӗ.

Ыттисемпе пӗрле "Дуслык" ордена Мелицина ӗҫӗн ветеранӗсен Канашӗн ертӳҫине Наиль Садыкова чысланӑ.