Фильтрсӑр начар, фильтрпа – аван

Вӗренӳ ҫулӗ пуҫланнӑранпа Тутарстанри шкулсене ОРВИ симптомӗсемлӗ ӳсӗрекен, сунаслакан, температурӑллӑ 10 пин ытла ачана кӗртмен. Ҫакӑн ҫинчен журналистсене Роспотребнадзорӑн Тутарстанри управленийӗн ертӳҫин ҫумӗ Любовь Авдонина пӗлтернӗ.
"Вӗренӳ ҫулӗ пуҫланнӑранпа фильтрсенче 10 пин те 47 ачана чарнӑ",– палӑртнӑ спикер.
Иртнӗ талӑкра занятисене Тутарстанри 100 вӗренекене кӗртмен, тесе палӑртнӑ республикӑри Роспотребнадзор представителӗ.

Кашни ир Тутарстанри шкулсенче ачасене фильтр урлӑ ирттереҫҫӗ, унта вӗсен ӳт температурине тата ОРВИ симптомӗсем пуррипе ҫуккине тӗрӗслеҫҫӗ.