Сувар

Инди океанӗнче çӳпӗ-çапă утравӗсем ишсе çӳреççӗ

Çакăн çинчен Тутарстанăн 100 çуллăхне халалланă ишеврен таврăннă моряксем каласа пачӗç

45 пин километр шывпа иртсе Тутарстан яхтсменӗсем республика 100 ҫул тултарнине халалласа ҫӗр чӑмӑрӗ тавра ишеврен таврӑннӑ.
"Татар-информ" агентствора журналистсемпе "Милонга" яхтӑн капитанӗ Алмаз Алеев тӗлпулчӗ.

Тинӗс законӗсемпе, командӑна хӑрушлӑх пулсан, капитан кирек хӑш порта та кӗме пултарать. Анчах 3 ҫынран тӑракан тутарстансен экипажне коронавируса пула, пур ҫӗре те кӗртмен.
"Тепӗр енчен, кӗртмен ҫӗрсенчен иртнӗ чухне эпир апата перекетлеттӗмӗр, ҫумӑр шывне пуҫтараттӑмӑр. Тинӗс шывне тӑрӑлтаракан хатӗр пурччӗ", – тесе каласа парать яхта капитанӗ.
Парус спорчӗ технологи енчен ансат мар, укҫа-тенкӗ енчен те йӳнӗ теме ҫук. Экспедици яхти 100 пин евро тӑрать, хушма оборудовани - 20 пин евро. Тата 9 уйӑхлӑх апат-ҫимӗҫ. Унсӑр пуҫне портсене кӗресси йӳнӗ мар. Романтика вӑхӑчӗ иртнӗ. Бюрократсем пирӗн ҫӗршывра кӑна мар.
"Малтан ун пек марччӗ, – тет Алмаз Алеев. – Эпир нихӑш ҫӗршыва виза илсе курман, портсене те ҫулҫӳревҫӗсене тӳлевсӗр кӗртетчӗҫ".
Яхтинг - питӗ йывӑр спорт тӗсӗ. Унта дистанцирен анса юлма ҫук, уйрӑмах океанра чухне.
Команда нумай тинӗс урлӑ иртнӗ:
Азов, Хура, Вӑтаҫӗр, Панама каналӗ, Адан заливӗ, Хӗрлӗ тинӗс. Суэц каналӗ, Арафунски тинӗсӗ. Унсӑр пуҫне Атлантика, Лӑпкӑ, Инди океанӗсем. 
Тӗнче шывӗн чи пӗрремӗш проблеми - экологи. Инди океанӗнче ҫӳпӗ-ҫапӑ утравӗсем ишеҫҫӗ. Мрамор тинӗсӗ питӗ таса мар.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: