Иннополисра ӗҫ вырӑнӗсем ӳсмелле

"Раҫҫей лидерӗсем" конкурсӑн финалисчӗ Виктор Никитин ертсе пыракан компани "Иннополис" уйрӑм экономика зонин резиденчӗ пулса тӑнӑ.
Кун ҫинчен ТР Президенчӗ ҫумӗнчи Патшалӑх службин департаменчӗ пӗлтерет.
Тулли мар яваплӑхлӑ "Бипиум" пӗрлешӗве 2019 ҫултан ТР Президенчӗн кадр резервӗнче тӑракан Виктор Никитин ертсе пырать. Унӑн компанийӗ корпоративлӑ приложенисене програмистсем хутшӑнмасӑр, нейронлӑ сетьсем тӑрӑх йӗркелет.
«Бипиум» — Иннополисри 10 ҫӗнӗ резиденсӗсен шутӗнче. Вӗсем 550 ӗҫ вырӑнӗ йӗркелемелле.
ТР Президенчӗ Рустам Минниханов ертсе пыракан Сӑнав канашӗ августӑн 24-мӗшӗнче ҫак компанисен 30,8 миллиард тенкӗлӗх инвестицисем проекчӗсене ырласа ҫирӗплетнӗ.