Ют çӗршывсен куçӗнчен пăхмăпăр малашне

Çакнашкал системăсене пурнăçа кӗртесси çинчен «Лазерные системы» компанин директорӗ Дмитрий Васильев каласа панă. 

«Металл пичетлесси сериллӗ пулмалла. Ку вăл прототип е пӗр издели кăна мар. Эпир талăкӗпех пӗр чарăнми ӗçлеме тытăнасшăн», — тенӗ Д. Васильев. 
Вăл каланă тăрăх, аддитивлă технологисем халӗ машинăсем тăвассинче, космос сферинче, металлургире, вӗрентӳ центрӗсемпе учрежденийӗсенче анлăн усă кураççӗ. «Лазерные системы» компани 3D-пичетре кирлӗ материалсене пӗтӗмпех алла илнӗ ӗнтӗ. 

Дмитрий Васильев сăмахӗсемпе, аддитивлă технологисемпе анлăн усă курни реверс-инжениринг ыйтăвӗсенче те питӗ пулăшать. Уйрăмах ют çӗршывра тунă оборудованисем вансанаса илме тивет кун пирки — запас пайсене кӳрсе килме хальхи саманара санкцисене пула кăткăс вӗт е пачах та май çук. 
Кун пек чух çӗршыври мӗнпур аддитивлă центрсене шута илсен вӗсем çителӗксӗрри тӳрех курăнать, мӗншӗн тесен кирлӗ изделисене пичетлеттерес ыйтăм кунран-кун ӳссе кăна пырать. Ӗçлекен центрсене ӗлкӗрме питӗ йывăр. 

«Пуласлăх çак машинасенче, ку тахçанах паллă. Эпир институтра вӗреннӗ вăхăтра кун пекки пирки ӗмӗтленме те пултарайман», — тенӗ Тутарстан Республикин Раисӗ докладчика тимлӗ итленӗ хыççăн. Вăл çак информацие республикăри промышленность предприятийӗсенче ӗçлекенсене те пӗлтерме ыйтнă — тен, вӗсен çак тӗлӗшпе килӗштерсе ӗçлес шухăшсем пулӗç. 

«Эпир нумай импорт япалипе усă куратпăр, тен, вӗсем валли запас пайсем шырамалла та мар, çакăн пек мелпе кăна усă курмалла», — тенӗ Минниханов.

Сăнӳкерчӗк ТР Раисӗн пресс-службин.