Июнӗн 1-мӗшӗнчен Пӳлер çулне юсава хупаççӗ, асăрхануллă пулăр

Тутарстанри Алексеевскинчен Пӳлере илсе каякан çула виçӗ уйăха хупасси çинчен пӗлтерет ТР Çул-йӗрпе транспорт хуçалăхӗн министерствин пресс-служби.

2021 çулхи июнӗн 1-мӗшӗнчен пуçласа сентябрӗн 1-мӗшӗччен Алексеевски районӗнчи çул участокне 32-мӗш километртан пуçласа 37,7-мӗш километр таранччен хупаççӗ. «Çак тапхăрта кунта çула юсама хатӗрленеççӗ», – тесе палăртаççӗ министерствăра. Юсанакан участока водительсем Хусан – Оренбург, Алексеевски — Высокий Колок, Хусан – Оренбург – Алексеевски – Высокий Колок, Пасарлă Матак – Мамăк, Чистай – Аксу – Нурлат тата Муслюмкино – Пӳлер çулсемпе айккинчен иртме пултараççӗ.