Сувар

Калавсене чи малтан анне вулать

Инесса Шашкина шкул çулӗсенчех хайлавсем çырма пуçланă, тӗрлӗ конкурса хутшăннă. Элӗк районӗн «Пурнăç çулӗпе», Шупашкарта тухса тăракан «Тантăш» хаçатпа тачă çыхăну тытнă. «Букварьтен – илемлӗ литературăна çити», «Çӗнӗ ятсем уçатпăр», «Çӗнӗ хум» тата ытти пултарулăх конкурсӗнче мала тухнă. Драма, фантастика хайлавӗсем çырать. «Çӗнӗ ятсем уçатпăр» сборникра, «Тăван Атăл» журналта пичетленнӗ. Чăваш кӗнеке издательствинче кун çути курнă «Пирӗшти патне янă çыру» коллективлă сборника унăн «Йăмра тӗнчи» юмахӗ кӗнӗ. ЧР Профессиллӗ писательсен союзӗн чи çамрăк  пайташӗ.

— Мӗн вăл Cирӗншӗн литература?
— Литература маншăн – вуласа хамăн пурнăçра пулса иртмен пулăмсен авăрне чăммалли май. Хам çырнă чух та çавăн пекех.
Мӗн хавхалантарать Cире çырма?
— Хам вуланă фантастикăллă хайлавсем, фильмсем, кулленхи пурнăçри ахаль пулăмсемех хавхалантарса пыраççӗ.
— Юратнă поэт, прозаик?
— Евгений Гаглоев прозаик (фантаст).
— Юратнă кӗнеке?
— «Зерцалия». Авторӗ – Евгений Гаглоев.
— Май пулнă-тăк, мӗнле çыравçăпа тӗл пулса калаçнă пулăттăр тата мӗншӗн шăпах унпа?
— Шăпах çав Евгений Гаглоевпа тӗл пулса калаçнă пулăттăм, мӗншӗн тесен унăн кӗнекисене вуланă хыççăн фантастика çырас туртăм çирӗпленет.
— Пурнăç девизӗ?
— Хăв юратнă ӗçпе аппалан, вара пурнăçра пӗр кун та ӗçлемелле пулмасть.
—Хайлава çырса пӗтерсенех унпа чи малтанах кама паллаштаратăр? Камăн сӗнӗвӗ сирӗншӗн пысăк пӗлтерӗшлӗ?
— Чи малтан анне вулать, хăйӗн шухăшне калать.

Ольга ИВАНОВА хатӗрленӗ.
Автор сăнӳкерчӗкӗ.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: