Кăмпа яшки типӗре çимесен те тутлă
Кăмпана тураса услам çу çинче ăшаламалла, çавăнтах теркăпа хырнă кишӗр тата туранă сухан хушмалла
Пахча çимӗçсене çуса шуратмалла та турамалла. Брюссель купăстине икӗ пая касмалла. Вӗрекен шыва чи малтан çӗрулмипе брюссель купăстине ярса пӗçермелле. Кăмпана тураса услам çу çинче ăшаламалла, çавăнтах теркăпа хырнă кишӗр тата туранă сухан хушмалла, яшка çине ямалла. Тăвар, лавр çулçи тата пăрăç хушмалла. Хатӗр пуличчен пӗçермелле.
200 г шампиньон, 1 çӗрулми, 1 кишӗр, 1 пуç сухан, 6 кучан брюссель купăсти, 50 г услам çу, лавр çулçи, пăрăç, тăвар кирлӗ.
Макарона пӗçермелле те дуршлаг çине силлемелле, вӗри шывпа çуса илмелле. Шывӗ юхса пӗтсен услам çупа çуланă форма çине хумалла, çиелтен шӗвӗ хăйма (сливки) хушмалла, теркăланă сыр сапмалла. Микроволновкăна лартса сыр ирӗличчен (3-5 минут) тытмалла.
200 г макарон, 75 г сыр, 50 г шӗвӗ хăйма, 25 г услам çу кирлӗ.
Следите за самым важным и интересным в Telegram-каналеТатмедиа
Нет комментариев