Кашни уявра вӑл кӗтнӗ ҫын

Эдуард Ильин – "Саврушка" ансамблӗн ертӳҫи кӑна мар, Аксу районӗнчи чӑваш уявӗсен стартерӗ теме пулать ӑна.
Чаплӑ купӑсҫӑна таврара пӗлмен, палламан ҫын ҫук-тӑр. Ҫӳллӗшӗпе 2 метра яхӑн ҫын аллинче чайка купӑс ачасем вылямалли кармун пек кӑна курӑнать. Ӑна ӑста пӳрнисем пӑхӑнтарса кирек мӗнле илемлӗ кӗвӗ те кӑларттараҫҫӗ. Кирлӗ пулсан – вырӑсла, кирлӗ пулсан – тутарла. Чӑваш кӗвви пирки каламӑпӑр та.
Эдуард Уяв пуҫлать, Эдуард пенсионеркӑсене хӗртсе ярса ташлаттарать, Эдуард салтак юрри юрлать, туй юррисене пӗлет, маттур.
Ӳркенмест Саврӑшпуҫ хастарӗ.Кирек хӑш уява та илем кӳме пултарать.