Сувар

Халăх çыравне ирттермелли мелсене çĕнетнĕ

Пандемие пула 2020 çулта тĕнчери çӗршывсен 75 проценчĕ халăх ҫыравне ирттермелли вăхăта 2021 çула куҫарнă. ООНăн статистика уйрăмĕ ҫырав процедурине улшӑнусем кӗртме сӗннӗ, тесе ҫырать Чӗмпӗрти "Канаш" хаҫат

Tӗп сĕнÿ — ытларах дистанци технологийӗсемпе ĕçлесси тата çырава кашни çынна хăй тĕллĕн иртме хавхалантарасси. Ҫак мерӑсем ҫыравҫӑпа гражданин хушшинчи хутшăнăва чакарма май параҫҫӗ. Сӑмах электронлӑ е хут çинчи çырав листисенчи ыйтусене кашни хăй тĕллĕн хуравласси пирки пырать. Ҫавӑн пекех анкетăри ыйтусене телефонпа хуравлама пулать.
Экспертсем ҫакна палӑртаҫҫӗ: чылай чухне ҫыравҫӑсемпе респондентсен куçа куçăн калаçма тиветех. Сӑмахран, çитме йывăр, телефон начар тытакан регионсенче пурăнакансемпе, пӗчӗк халӑхсемпе, маргинал ушкӑнӗсенчи çынсемпе, килсӗр-ҫуртсӑррисемпе.
Ҫавӑн пекех экспертсем çырав листисене тултарма вӑхӑт сахалтарах кайтăр тесе ыйтусен хисепне чакарма сӗнеҫҫӗ.
Пулас халăх ҫыравӗнче Раҫҫей çыннисем Патшалӑх тивĕçтерĕвĕ (Госуслуги) интернет-порталӗнче хӑй тӗллӗн ҫырӑнма пултарççĕ. Интернет урлă ҫырава хутшӑнакан кашни ҫынна цифрăллă тата QR-код ярса параççĕ.
Интернет-çыравăн лайăх енĕсем: вăл çитме йывăр регионсенчи нумай çынна çырма тата кашнине ыйтусене тĕплĕн хурав пама май парать.
Анчах Раççейре çыравçă-çынсем те юлаççĕ-ха. Мĕншĕн? Пирӗн ҫӗршывӑн уйрӑмлӑхӗсене шута илмелле: халӑх тем пысӑкӑш территорире, тĕрлĕ климат тата географи зонисенче, тусемпе ҫурҫӗр вырăнĕсенче пурӑнать. Пур ҫӗрте те интернет, телефон ҫыхӑнӑвӗ çук. Интернетпа пурте усă курма та пĕлмеççĕ, е вăл нумайăшĕн çук. Çыравăн тĕп задачи вара – кашни çынна çырса тухасси, тĕрĕс информаци пухасси.
Аса илтеретпӗр, Раҫҫей Президенчӗ Владимир Путин пӗтӗм Раҫҫейри халӑх çыравне 2021 ҫулхи октябрĕн 1-31-мĕшĕсене куҫарма сӗннӗ.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: